江忠德推介英超联赛：大胜捧杯创十冠“韦”业

2008-05-11 03:40:22　来源: 网易体育　　网友评论 0 条进入论坛

英超最后一轮，曼联作客韦根係“大曼彻斯特地区打比战”，能夠赢波兼捧杯就真係威过“威士忌”。

想赢波当然要靠落场班球员，但係领队喺呢场比赛扮演住更重要角色，费爵爷同布鲁士份属两师徒，布鲁士球员高峰时代就喺曼联度过，佢唔单止做过红魔鬼队长，仲替曼联上阵超过400场攻入51球，当然费爵爷亦好清楚佢有几多料，而为咗报答知遇之恩，转做伯明翰领队之后嘅布鲁士，每次对住曼联都好识做，喺英超对过8次1和7负，今次都冇办法扭转宿命。

近6次对曼联全败嘅韦根，最令人担心係条“骑呢防线”，转身慢几拍嘅巴布点顶得住红魔鬼狂攻，仲有今季正式由利物浦买断嘅门将确克兰虽然高大身材，但时不时“虾碌式”犯低级错误，只望输少当赢。

至于喺护级漩渦挣扎紧嘅雷丁、富咸同伯明翰，究竟边两队降班呢？之前都讲过睇番近几轮形势，有贵人相助嘅富咸，对曼城都可以反败为胜，而朴茨茅夫更有大条道理留力足总杯决赛，富咸作客赢波唔出奇，护级大功告成！

精选推介

韦根 +2 曼联推介：曼联

朴茨茅夫 +0.5 富咸推介：富咸

(本文来源：网易体育 )