网页搜索：
上期，我特别提到雷丁唔可能喺主场赢热刺上岸，结果佢哋主场输波之后，依家嘅护级形势已不容自己掌握，一旦富咸击败朴茨茅夫，佢哋喺落后富咸多达6个净胜球嘅情况下，真係唔通博佢可以大炒打比郡七、八球咩，听住降班都得啦。
依家雷丁嘅唯一生路就係博富咸赢唔到波，然后自己侥幸上岸，不过当外界一致认为雷丁一定可以赢到鱼腩打比郡嘅时候，我反而对打比郡争取本季第2场胜利有少少信心。无他嘅，降班前最后一个主场，点都要好好睇睇，雷丁炒打比郡又有乜用啊，到头嚟都要睇富咸面色遮。
至于富咸同伯明翰，其实都有一定暗涌，尤其係富咸做客传闻一心留力足总杯决赛嘅朴茨茅夫，大热嘅话唔一定可以赢波，咁样一嚟如果出现雷丁同富咸都做客赢唔到嘅话，就六国大封相咯。总体而言，保组3支球队从盘路讲，雷丁最危险。
榜首两强都让到超晒盘，比较而言做客嘅曼联好难大炒韦根。本轮无关痛痒赛事中，较为睇好利物浦执番个尾彩。热刺拿到下季欧协杯资格后一直放软晒手脚，唔相信佢哋可以得起心肝抵抗利物浦。
精选推介
打比郡 +1/1.5 雷丁推介：打比郡
热刺 0 利物浦 推介：利物浦
(本文来源：网易体育 )
