网页搜索：
纪录永远都係等住被打破嘅，车仔近几季英超主场不败嘅骄人纪录，会唔会喺呢场世纪焦点大战畀曼联终结呢？作客波当然唔易踢，不过呢条定律未必适用喺曼联身上，睇完周中欧联之后，论状态两队真係此消彼长，曼联喺鲁营球场主守无可厚非，最重要係条防线对住巴塞滴水不漏，整体防守意识同状态都冇得弹，对住近期只靠艾辛入波嘅车仔，绰绰有余。相反，对于幸运摸和红军嘅车仔而言，呢场同踢决赛一样，赢唔到等如扯白旗投降，即係要焗住出嚟攻喇。但係成班进攻球员副偈挞极都唔著，尤其係林柏特状态一般，至怕攻唔成一断缆，造就机会畀红魔打快速反击。今轮一于撑C·朗，捧曼联！
至于曼城迎战富咸就一定可以分出胜负，理由係如果曼城放水就只有畀足3分先至对富咸有意义，如果曼城要争下季欧战资格亦需要3分，唔理真打定放水，两队波都要赢。艾历臣自从闻到鱿鱼香之后，立即加多两钱肉紧连赢两场波畀老細睇，又再重现番季初主场9连胜嘅威力，睇个势唔似係虚火，可以送作客唔掂嘅富咸上路。
精选推介
车路士 -0/0.5 曼联 推介：曼联
曼城 -0.5 富咸 推介：曼城
(本文来源：网易体育 )
