网页搜索：
每逢到季尾，大家都要先睇球队士气同球员心态，尤其係护级球队好似饿虎擒羊咁，明刀明枪毫无保留。新特兰同埋纽卡素就係典型例子，虽然逐渐远离护级漩渦，但係仲未够稳阵，当然力求早日上岸。
新特兰3连胜后基本护级无忧，而无欲无求嘅曼城近3轮未赢过，近5次对曼城全部输晒嘅新特兰，有机会凭借依家嘅强势报仇，事关新特兰一发力就唔係人咁品，喺光明球场对4强以外球队几乎赢晒，趁士气高涨时机，第一季带队踢英超嘅坚尼当然乘胜追击。曼城最大问题係战意，唔上唔落半天吊，自从李察士受伤之后，条防线牵一发而动全身，加上攻守脱节，新特兰可以再下一城。同样亦係3连胜嘅纽卡素则作客朴茨茅夫，之前输到“谢”晒嘅喜鹊球员，终于有番晒信心，马田斯复苏制造进攻空间，加上奥云重现喺禁区嘅入波触觉，令到纽卡素唔单止恢复攻击力，防守仲一改前几个月漏洞频生嘅毛病，对住搏完足总杯半决赛兼踢多一场周中补赛嘅朴茨茅夫，喜鹊又有机会偷鸡喇。
精选推介
新特兰 -0/0.5 曼城推介：新特兰
朴茨茅夫 -0/0.5 纽卡素推介：纽卡素
(本文来源：网易体育专稿 )
