网页搜索：
英超好睇係因为有好多高质素外援，并唔等如英格兰好波，友谊赛表现一无是处输畀法国，再次引证点解英军冇份争欧国杯，好在近期表现急转直下嘅阿仙奴，受周中友谊赛嘅影响好轻微，依家要搵保顿祭旗。但係每队波总有高、低潮，家阵兵工厂球员信心同季初相比明显曳好多，近八仗仅胜一仗愈踢愈沉，当中对住伯明翰、维拉、韦根同米堡都要和晒。讲真，四队之中只係维拉有番咁上下之外，其余三队都係榜下游队伍，所以阿仙奴真係唔在状态。
当然，保顿方面亦唔好得几多，自从箭头安历卡离队之后唔识入波，近四场比赛更加食白果，好在仲可以维持住主场战斗力，起码家阵26分当中有20分靠晒喺自己地头。讲往绩，兵工厂近八次做客锐步球场只赢过一次咁大把，保顿对住阿仙奴特别醒神，况且呢季亦试过砌低曼联踢出代表作，有机会趁兵工厂分心未来三场而偷鸡！
至于曼联亦冇受到周中友谊赛太大影响，英超五连胜嘅红魔，上场大胜红军表现极佳作战状态同埋争冠嘅强烈信念。而维拉近期状态严重下滑，主场突然走样输畀降班热门新特兰，对住要振奋士气做客欧联对罗马嘅曼联难逃劫数。
保顿 +0.5/1 阿仙奴 推介：保顿
曼联 -1/1.5 阿士东维拉 推介：曼联
(本文来源：网易体育专稿 )
