网页搜索：
热刺维护主场尊严同车仔上演一场疯狂入波大战，终于光荣完成任务冇输波，但係经过呢场两日前嘅激战，真係担心热刺球员能唔能夠喺咁短时间之内恢复体力斗朴茨茅夫。
自从领队桑迪拉莫斯上任后，热刺确实愈踢愈醒神，虽然欧协杯输畀燕豪芬出局之后影响信心不敌曼城，但係一遇上联赛杯决赛脚下败将车路士即刻醒晒，双方攻势一浪接一浪，成场比赛绝冇冷场，激烈程度直情拍得住争欧联冠军。呢季英超最劲前锋组合贝碧托夫同罗比坚尼，毫冇保留全场奔跑，难怪呢对拍档今季已经帮热刺入超过40球。不过人非草木，机器操作过度都要停下维修保养，热刺球员呢场仲有冇咁劲呢？加上热刺喺联赛冇乜好争，虽然拉莫斯早前下达杀入前十名指令，其实唔使太认真，佢只係尽人事维持住球员嘅斗心，但係亦好难场场搏尽。
朴茨茅夫爆冷击败曼联成功晋级足总杯四强之后，直头同打支强心针一样，连续砌低伯明翰同维拉劲入六球，阵中非洲兵归队后，再次融入整体运作重现威力，呢场做客对住兵疲嘅热刺有运行！
热刺 -0.5 朴茨茅夫 推介：朴茨茅夫
爱华顿 -0.5/1 韦斯咸 推介：爱华顿
(本文来源：网易体育专稿 )
