网页搜索：
利物浦已经冇实质意义争英超冠军，但係一定要保住前四位参加下季欧联，同埋唔可以畀同城死敌爱华顿骑住，加上红军连赢六场气势汹汹，雷丁等住被炒喇！宾尼迪斯从善如流，近期唔再大幅度轮换球员，果然走出较早前嘅低谷。以往利物浦对住死守严防嘅弱队，单调嘅长传急攻战术仲困死埋自己，所以经常畀中下游球队偷到鸡。但係依家排阵稳定，兼且阵中所有主力又冇病冇痛，令到宾尼迪斯更加准确部署踢防守反击战术，尤其係中场两边嘅荷兰组合古积特同赖恩巴布好生猛，明显加强晒整体攻守，更重要係不停跑动为费兰度托利斯同谢拉特扯空对手防线制造入波机会，实在冇乜缺点可以提出。雷丁八连败之后所赢嘅两场对手，只係海鲜波嘅米堡同曼城，其实中后场组合无论点样变化仲有好多漏洞，尤其係两边闸速度慢成为死穴，红军可以持续凌厉走势。
曼联同车仔喺足总杯同病相怜，车仔能夠喺周中大炒打比郡尽吐怨气，红魔鬼对番同一支鱼腩部队又点会失威呢？正如费爵爷话斋，净胜球会成为今季英超冠军争夺战关键因素，所以对住弱队绝对係拉开净胜球差距嘅好机会。球员化悲愤为力量，
绝对有本钱继作客大炒喜鹊同富咸之后再数打比郡。
近年一直各方面都希望足球可引入一些新技术令判决，特别是入球与否可以准确一点，曾几何时白礼达说那句不可接受的「错误是足球一部份。」或许球迷会认为有误判足球更戏剧性，但当你是球会的投资者你又会怎想，况且这是人类概念性问题，如果这些冤枉性错误可以接受，那人类又何需改善生活，令所有事物更准、更快……更多足坛名家最新花絮新闻，尽在新势力好波网（http://www.sports268.com/blog/index.asp）。
(本文来源：网易体育专稿 作者：江忠德)
