网页搜索：
呢个周末有英超同足总杯八强比赛双料娱乐，足总杯係淘汰赛兼且曼联同车仔都有份踢，当然较为瞩目。喺欧联晋级嘅红魔鬼近期fit到漏油，尤其是今季喺奥脱福主场威力惊人，联赛只係输过畀同市宿敌曼城；欧联更四战四胜，近16场赢15场，当中更有6场入四球或以上，可见班进攻球员实在好fit，呢场对朴茨茅夫係淘汰赛，埋身驳火难免，状态大勇嘅“铁三角”朗尼、C朗同泰维斯能够频频入波，原因係领队费格逊为免佢哋踢到残，近期采取轮换制度，令球员保持状态同比赛饥渴感，以依家曼联嘅进攻火力，朴茨茅夫班后卫真係顶唔住。虽然朴茨茅夫今季做客成绩比主场好，但係输畀“拖肥糖”原形毕露，之前连赢三场对手只係新特兰、保顿同普雷斯顿，根本冇说服力，整体表现一般，今场想搏大雾？好难喇！
车仔做客班士利，蓝军点会好似红军咁羞家输畀一支弱队，“黄金战车”随住泰利、林柏特同杜奥巴相继复出好齐脚，失落联赛杯后，今季要捧杯就得番欧联同足总杯，球员战意绝对唔係问题。车仔呢班波一向煲惯鱼生粥，不过家阵唔敢立乱再煲粥，虽然实力远胜班士利，但係做客唔係话入就入，为免夜长梦多，今场就算一早领先，佢也都会入多两粒等大局已定先至收手，好似大炒韦斯咸同奥林比亚高斯就係典型例子。
曼联 -1.5 朴茨茅夫 推介：曼联
班士利 +1.5 车路士推介：车路士
(本文来源：网易体育专稿 )
