网页搜索：
曼联同阿仙奴喺下周中都要踢欧联十六强淘汰赛生死战，当然喺呢个周末英超会有后顾之忧，不过相比之下，曼联嘅气势劲过兵工厂，绝对有本钱继大炒喜鹊之后再数富咸，相反阿仙奴遇上当旺嘅维拉有失分危机。
费爵爷讲明今季英超冠军争夺战将会十分激烈，净胜球会成为关键因素，甚至乎会出现英超第一次由净胜球决定最后冠军谁属，所以对住弱队绝对係拉开净胜球差距嘅好机会。今季曼联前场三叉戟配合天衣无缝，依家喺各项赛事中，C朗、迪维斯同朗尼加埋入五十七球，等闲之辈难顶红魔鬼强攻，依家曼联有充足兵源应付双线作战，可以轻取富咸增强士气喺主场迎战里昂。事关降级热门富咸对住红魔鬼处于绝对下风，近四季六次交手全败，如果为抢分护级好似喜鹊咁夹硬谷前，等如自寻死路。
球员踢波当然要搏尽，但最后赢定输要讲埋运，近排幸运之神明显冇照住兵工厂，阿仙奴实力虽较维拉胜一筹，但係论到近期气势就唔及对手，况且下周中欧联做客AC米兰，晋级前景颇为不妙，唔多唔少令到云格分心。而维拉喺奥尼尔悉心带领之下，唔同以前散兵游勇，做客酋长球场有自知之明加强防守抢分。
富咸 +1/1.5 曼联 推介：曼联
阿仙奴 -0.5/1 阿士东维拉 推介：阿士东维拉
(本文来源：网易体育专稿 )
