网页搜索：
利物浦由原本嘅英超四雄，家阵变成落难英雄，自从旧年拆礼物日之后，就未再喺英超赢过，依家军心动摇，即使对住升班马新特兰都唔容易轻胜，反而曼联气势愈踢愈劲，做客热刺赢多次冇困难。
真係估唔到利物浦喺2008年只赢过两场波咁大把，而所击败嘅对手亦只不过係英甲尾二球队卢顿同业余球队哈云特，仲曾经畀对手两度领先沦为笑柄。宾尼迪斯承受住巨大压力做客韦斯咸，本来红军一直係锤仔帮嘅克星，结果仲要喺劣势下输埋，利物浦近期个势咁差，主要係宾尼迪斯玩轮换制走火入魔，用人失当影响士气。须知道利物浦喺技術层面上唔及得其他三强，要靠士气同斗志去支持，可惜用过千万英镑高价买嘅水货巴布，近期沦为大后补，基维尔成为黄昏球员，宾纳固步自封，再加埋老将希比亚力不从心，影响埋其他球员变成漏气皮球，谷极都谷唔起。
升班马新特兰实力当然远远唔及利物浦，但係佢哋拥有红军依家最缺乏嘅士气，虽然呢季客场战绩仅为2和10负，但係主场连赢保顿、朴茨茅夫、伯明翰，护级前景一片光明，加入埋前曼联球员巴士利同瑞典前锋比利卡，大幅度提升攻守实力，佢哋乱冲乱撞，会搞到红军守卫倒泻箩蟹，加上利物浦喺一场比赛中心理状态上落差好大，呢场又有失分危机！
利物浦 –1.5 新特兰 推介：新特兰
热刺 +0.5 曼联 推介：曼联
(本文来源：网易体育专稿 )
|
|||||||||||
|
