网页搜索：
喺短短嘅一个星期入面，我哋喺电视直播度先后睇过阿仙奴联赛杯输畀热刺、足总杯击败纽卡素嘅两场波。相信睇过直播嘅球迷都好清楚，呢两场波嘅比分其实说明唔到乜嘢，好似对住热刺1比5嘅大败，其实我唔觉得阿仙奴打得有几差；而上周末3比0击败纽卡素嗰场波，我又唔觉得枪手踢得有几好。
足球场上，往往係越胶着嘅状态，越能够体现出个别球员嘅质素。就好似输畀热刺场波，被视为“英格兰明日之星”嘅华确特就相当令人失望，喺边路做唔出太多有威胁嘅突破，喺中路攞波嘅时候又显得太多犹豫。反而艾迪拜约一换出嚟就即刻入波，能力上已经可以取代亨利嘅位置。对住纽卡素嘅比赛，呢位多哥射手又入两波，状态好到唔得顶。喺艾迪拜约入第二波嘅时候，我哋又可以睇到一个细节，就係艾杜亚度帮佢做咗一个通常只会出现喺篮球场上嘅“单挡”，令到纽卡素嘅后卫想封堵都封唔住。艾迪拜约嘅入球能力，再加上艾杜亚度呢种咁细致嘅举动，就喺我啱啱所讲嘅“质素”。相比而言，状态嘛嘛哋嘅纽卡素射手奥云，显然唔及阿仙奴班前锋。
从整体上讲，阿仙奴大败畀热刺之后可以咁快就重新振作，可见云加班波嘅调整能力有几强。奇云基耿重返纽卡素之后，重未睇到球队喺攻防方面有乜办法，联赛不胜、足总杯落败，纽卡素嘅士气一沉再沉。估计今个周中联赛再对阿仙奴，喜鹊军团都唔会有太大起色。
阿仙奴 -1.5 纽卡素 推介：阿仙奴
新特兰 -0/0.5 伯明翰 推介：伯明翰
