网页搜索：
周末因为让路足总杯嘅关系，英超各队中只有维拉对布力般一役可以进行，其余9场赛事全部要到下周中加开快车。目前维拉领先布力般3分，呢场可谓係双方争夺排名第4位嘅关键之战，从近年维拉对战布力般嘅强势嚟睇，此战可予支持。
从2005年开始，两队喺英超共交锋6次，维拉取得压倒性嘅5胜1负战绩，并在主场保持3场全胜。上季维拉主客双炒布力般，本季做客亦以4比0大破当时刚从连胜强势中滑落嘅布力般。喺本周二凌晨维拉做客利物浦差点全取3分，继续保持近期强劲嘅抢分势头，相反布力般则喺1月密集赛程下战绩下滑，而当家射手辛达告鲁斯喺获得12月最佳球员后，亦不可避免地出现咗状态嘅回落，踏入1月进行嘅4场比赛中，佢一球未入，布力般嘅攻击力亦随之下降，面对米堡、新特兰等弱旅时，亦仅能勉强打进1球。本轮状态正值高峰嘅维拉坐镇主场，又有一面倒嘅往绩支持，不妨继续看维拉克隆上季历史，主客双炒布力般。
足总杯方面，本季值得留意巨人杀手高云地利，呢支球队继在联赛杯做客击败曼联二队后，又喺上轮做客主将尽出嘅布力般时，大胜对手4比1。当家射手、马耳他球星米素特在对战曼联同布力般时均梅开二度，此番高云地利主战米禾尔，应可小胜过关。至于车路士做客韦根，虽然有一定赢面，但往季佢哋做客韦根时唔係赢得极为勉强，就係“鱼生粥仅熟”，本轮要赢两波以上，相信亦非太过轻易。
精选推介
阿士东维拉 -0.5 布力般流浪 推介：阿士东维拉
高云地利 -0.5/1 米禾尔 推介：高云地利
韦根 +1 车路士推介：韦根
(本文来源：网易体育专稿 )
